BEC-eren zuzendari orokorra, AFE-ren presidente ere bada.

Xabier Basañez, Bilbao Exhibition Centre-eren Zuzendari Orokorra, berriro hautatu dute UFIren (Azoken Industriako Elkarte Orokorra) Batzorde Zuzendariko kide. Agintaldiak hiru urte iraungo ditu, eta aste honetan bertan hasi da Johannesburgo Hegoafrikako hirian egin den Biltzarrean. Asanblada Orokorrean, Zuzendaritza Batzordea dagoeneko bildu da hainbat erakundeko ordezkariekin egindako lehenengo bileran, besteak beste, Hungexpo, Brussels Expo, Suitzako MCH Group, Poznan International Fair, Ukrainiako Euroindex, Greziako TIF-Helexpo, Stockholmsmässan, Ifema eta Fira de Barcelonaz gain.

UFIko kideek egindako eta SOFIDEEC kanpo-ikuskaritzak kontrolatutako hautespen horren bitartez, Basañezek irabazi asmorik gabeko nazioarteko elkarte honen bere hirugarren agintaldi jarraituari ekingo dio. Elkarte honen helburua mundu osoko azoken industria ordezkatzea eta kideek antolatutako jardueren kalitate-irizpideak zaintzea da. 740 kide inguruk -388 azoka antolatzaile, 229 barrutien kudeatzaile eta 50 elkarte- osatzen dute gaur egun UFI elkartea, horien artean BEC bera, 1968az geroztik.

UFIren Batzorde Zuzendariko kide izateaz gain, Xabier Basañez Espainiako Azoken Elkarteko presidentea da, hainbat arlotatik azoka eta biltzarren sektorea garatzeko konpromisoaren isla.