SEMERGEN Medikuen Kongresu Nazionala BECen egingo da lehen aldiz urriaren 2tik 5era, eta Familiako Medikuntzako eta Medikuntza Komunitarioko 5.000 espezialista baino gehiagok laguntzaren, ikerketaren eta irakaskuntzaren arloak aztertuko dituzte.

Ilusioz trebatzen, formándonos con ilusión lelopean, prestakuntza- eta komunikazio-jardunaldi horien 46. edizioa 2. pabiloian eta Konbentzioen Zentroan egingo da. Aurrez aurreko saioak zein digitalak izango dira, eta hainbat formatu uztartuko dira hala nola konferentziak, tailerrak, sinposioak eta ahozko komunikazioak.

Lau egunetan zehar, hainbat gai planteatuko dira, besteak beste, gai kliniko tradizionalak, medikuntzako erronka berriak, big data eta adimen artifiziala. Parte-hartzaileek aukera izango dute esperientziak partekatzeko eta ekitaldi sozial paraleloez gozatzeko.