Industria, Merkataritza eta Turismo Sailak

Industria, Merkataritza eta Turismo Sailak Bilbao Exhibition Centre-ek 2019an ospatuko dituen hamar azoka aintzatetsi ditu hauen nazioarteko izaera dela eta. Erakunde honek aldeko ebazpena eman die Industry Tools by Ferroforma, Subcontratación, Tendencias Creativas eta World Maritime Week azokei eta “nazioartekotasun osoarekin” aintzatetsi ditu. Bestetik, Addit3d, Expovacaciones, Fitmaq, Maintenance, Polveri Ecocoating eta Pumps & Valves azokek “aduana-helburuetarako nazioartekotasun” kontzesioa lortu dute.

“Nazioartekotasun osoa” kategoria lortzeko baldintza batzuk bete behar dira, hala nola hiru edizio ospatu izana, atzerriko erakusketari zuzenak guztizko erakusketarien % 10 izatea edo atzerriko bisitariak % 5 izatea eta aurreko bi parametroek goranzko joera izatea, sektorearen babesa izatea, erakusketak teknologia berrien eskuratzea ahalbidetzea eta Merkataritza Lurralde Zuzendaritzak eta Kanpo-merkataritzaren Espainiako Institutuak egindako txosten positiboa izatea. Ezaugarri hauetako aintzatespen batek eskaintzen duen ospea eta kalitate-bermeaz gain, nazioartekotasun osoak beste abantaila batzuk ditu, zenbait erakunde ofizialek eta enpresa-erakundek hau ezinbesteko baldintzatzat jotzen baitute erakusketa hauek zabaldu eta sustatzeko eta baita enpresa erakusketariei laguntzak emateko ere.

Bigarren multzoan, “aduana-helburuetarako nazioartekotasunak” erakutsitako merkantziaren erkidegoko iragaitzarako aduana-erraztasunak eta Espainiako zergak ordaintzeko salbuespena eskaintzen ditu. Bi kontzesio hauek bereizmen handia ematen diete ekitaldiei. Ekitaldi hauek, bai publiko profesionalari bai publiko orokorrari zuzenduta badaude ere, jarduerak, produktuak eta zerbitzuak dinamizatzeko eta kanpora proiektatzeko esparru nabarmenak dira eta, beraz, enpresen nazioartekotasuna handitzeko oinarrizko tresna dira baita ere.