Bilbao Exhibition Centrek ekitaldi publiko ugari hartuko ditu aurten. Ekitaldi hauek nabarmendu dira berriki: 8 kilometroko lasterketa eta 8 workout uztartzen dituen fitnesseko Hyrox lehiaketa; Outlet azoka, hainbat arlotan deskontuak eskaintzen dituen hitzordua, besteak beste, modan, oinetakoetan, osagarrietan, streetwearean, kosmetikan, kirolean, etxeko gauzetan eta atsedenerako gauzetan; Level Up ekitaldia, enpresari txikiek beraien enpresa digitalizatzeko prestakuntza-sistema berritzailea eta laguntza eskaintzen duen ETEntzako eta autonomoentzako negozio-eskola alternatiboa; Desembalaje azoka, vintage dekorazioko piezak, enkanteak, antigoaleko gauzak eta bildumak barne hartzen dituen azoka; eta Japan Weekend, pop kulturako ekitaldirik handienetako bat.

Bestalde, maiatzean ekitaldi oso garrantzitsuak izango dira: Expovacacionesen 44. edizioa, Ez ezazu irudikatu, bizi ezazu leloarekin. Aurtengo edizioak azokaren eskaintza artikulatzen duten bi kontzeptu nagusiak indartzen ditu: Esperimentatu eta Dastatu. Bestalde, Bigarren Eskuko Ibilgailuen Azoka ere izango da. Azoka horrek turismo erdi-berriak, gerentziako ibilgailuak, flotako eta rentingeko ibilgailuak eta zero kilometrokoak biltzen ditu.

Azkenik, Spannabis egingo da lehen aldiz BECen irailean. Ekitaldi horretan kalamu-landarearekin lotutako produktuak, produktu komertzialak (kosmetikoak, oinetakoak, jantziak, eraikuntzarako materialak, elikagaiak), laborerako produktuak (ongarriak, haziak, labore-sistemak, etab.), laket-kontsumorakoak eta fitorerapirakoak izango dira.

Kontzertuei dagokienez, Bizkaia Arenan kontzertu hauek izango dira besteak beste datozen hilabeteetan: Depeche Mode, ZeidFest Gaztea, Operación Triunfo, Saiko, Estopa, Maná, Ura Bere Bidean edo Bryan Adams.