European Hydrogen Energy Conference (EHEC) ekitaldian sektoreko eragile eta enpresa nagusiak bilduko dira datorren urtean BECen, azken garapen teknologikoak erakutsi eta networkinga eta merkataritzako aukerak sustatzeko.

Tecnalia, Energiaren Euskal Erakundea, Energiaren Klusterra eta Bilbao Exhibition Centre lankidetzan arituko dira Espainiako Hidrogenoaren Elkartearekin (AeH2) Europako hidrogenoaren inguruko ekitaldirik handiena antolatzeko Bilbon, BECen; European Hydrogen Energy Conference (EHEC).

Ekitaldian hidrogenoaren balio-kate osoarekin lotutako gaiak jorratuko dira, besteak beste, energia-bektore horren sorkuntza, banaketa, garraioa, biltegiratzea eta amaierako erabilerak, eta proiektu industrialetako I+Gari buruzko alderdiak jorratuko dira. Ekitaldia iragan maiatzaren 18 eta 20 artean egin zen Madrilen, eta nabarmen igo zen bertaratutako pertsona eta enpresen kopurua. Kongresua bi urtean behin egiten da eta datorren ediziorako sektoreko adituak eta enpresak elkartzea aurreikusten da, azken garapen teknologikoak partekatu, networkinga sustatu, harreman esanguratsuak sortu eta hidrogenoaren arloko merkataritza-aukerak sustatzeko.

Ekitaldia Espainiako Hidrogenoaren Bide Orriaren barruan dago, eta teknologia horien erreferente gisa kokatzeko neurrietako bat da. AeH2 sektoreko erreferentziazko eragilea da, hidrogenoaren balio-kate osoan jarduerak dituzten 300 erakundek osatzen baitute. European Hydrogen Energy Conferencek hidrogenoaren balio-kateari Espainiak eta Europak egiten dio ekarpena erakusten du.

Hidrogenoa, etorkizuneko bektorea

Hidrogenoa funtsezko elementua da hurbileko etorkizunean energia deskarbonizatzeko, industriarako eta mugikortasunerako, eta, beraz, karbono baxuko energiarako eraldaketa azkartzeko beharrezkoa da. Hidrogeno berdea iturri berriztagarrietatik eratorritako energiatik sortzen da, eta beste urrats bat gehiago da osagarri kimiko mota-berri honentzat. Aurreikuspenen arabera, hidrogeno berdeak industria kimikoarentzako lehengai modura, industriako sektoreak deskarbonizatzeko, mugikortasunerako, etxebizitzen eta hirugarren sektorerako eta energia modu masiboan garraiatu eta denbora luzez gordetzeko balioko du.