BeDIGITAL– Transforming Industryk zazpigarren edizioa egingo du arlo industrial eta digitaleko enpresa handien presentziarekin. Ekainaren 3tik 5era bitarte egingo da Bilbao Exhibition Centren. Hala, bertan izango direla orain arte baieztatu duten enpresetako batzuk dira hauek: Minsait, NinjaOne, Grupo Oesía, Kaspersky, Sisteplant, Emi Suite 4.0, Inycom, Arin, Amie Consulting, ESSS, Cosmo Consult, Engisoft, Kaytek, Arquiconsult, Mairu, Bizkaia BEAZ, Grupo SPEC, Arvato, Scott&Irwin, Invest in the Basque Country – SPRI, MSI eta Bullhost. Horiez gain, Gaiaren-Euskadiko Jakintza eta Teknologia Industrien Elkartearen taldekako partaidetza ere izango da.

Horiek guztiek industriari aplikatutako egungo panorama teknologikoaren ikuspegi globala eskainiko dute, Software, Adimen Artifizial, Big Data edo Zibersegurtasuneko soluzioekin, baina honako hauek ere tokia izango dute: Errealitate Birtuala, Hardwarea, Informazioaren Teknologiak edo Ingeniaritza Industriala, besteak beste. Abangoardiako tresna eta garapen horiei hainbat sektoretako erronkei emango die erantzuna: automobilgintza, aeronautika / aeroespaziala, energia eta utilitieak, siderurgia, ingeniaritza elektrikoa eta elektronikoa, Oil&Gas, ingeniaritzak, fabrika industrialen eraikuntza, garraioa eta azpiegiturak, metalurgia, trengintza, ekipo-ondasunak, kimika eta petrokimika edo pieza eta elementuak fabrikatzen dituen industria osagarria, adibidez.

Ekitaldiak industriara aplikatutako abangoardiako soluzio eta teknologia digitalen erakusketa networkinga oinarri duten hitzaldi espezializatuekin eta esparruekin bateratuko du kontaktu estrategikoak finkatzeko.

DIGITAL TALKS

Ekainaren 3an, BeDIGITALek Digital Talks hitzaldien beste edizio bat egingo du. Berrikuntza eta digitalizazio arloko ezagutzaren transferentziarako funtsezko gunea da. Konferentzien eta eztabaida-panelen bidez, Estatuko eta nazioarteko adituek sektoreko punta-puntako joerak arakatuko dituzte. Hala, oraingo eta etorkizuneko aukerak aprobetxatzeko eta erronkei aurre egiteko ikuspegi eta estrategia berriak eskainiko dituzte. Bertaratutakoek aukera izango dute hizlariekin elkarreragiteko, eztabaidetan parte hartzeko eta beren erakundeetan irtenbide berritzaileak ezartzeko funtsezko informazioa eskuratzeko.

Digital Talks 2025 hitzaldiek irekierako keynote bat izango dute Cloud & AI Development Act-i buruz, eta EUROPAKO BATZORDEAK aurkeztuko du. Jarraian, digitalizazio industrialerako ezinbesteko bi arlo sakonduko dira. Lehen saioak, “Sistema adimendunak eta teknologia digitalak oraingo eta etorkizuneko industriarako” izenekoak, produkzio-prozesuak eraldatzen ari diren soluzioak izango ditu hizpide. Bigarrenak, “Zibersegurtasun industriala: produktu eta prozesuen araudia eta babesa” izenekoak, gero eta digitalizatuagoa den ingurune batean segurtasuna bermatzeko beharrezko erronkak eta araudiak jorratuko ditu.

Gainera, aurreko edizioetan bezala, BeDIGITALek Innovation Workshop tailerrak izango ditu. Horietan, enpresa erakusketariek, babesleek eta kolaboratzaileek aurkezpen tekniko laburrak egiteko aukera izango dute, beren proposamen berritzaileenak publiko espezializatuari erakusteko. Gainera, ekimenean Startup Village delakoa izango da (enpresa berriei eta hazten ari direnei babesa emateko diseinatutako gune dinamikoa). Aurten, gainera, berritasun gisa, parte hartzen duten startupen artean, Startup Challenge erronka egingo da.
BeDIGITAL AFM – Cluster for Advanced & Digital Manufacturing-ek eta Bilbao Exhibition Centrek antolatzen dute eta erakunde mailako laguntzaileak Bizkaiko Aldundia eta SPRI dira. Era berean, EIT Manufacturingen eta Gaiaren laguntza ere du.

+ INDUSTRYn txertatutako ekimena

BeDIGITAL -TRANSFORMING INDUSTRY sinergien ingurune estrategikoaren baitan egingo da + INDUSTRYn ordezkaritza izango duten fabrikazio aurreratuko sektore nagusiekin batera: SUBCONTRATACIÓN, Maintenance eta Pumps & Valves. Gainera, weAR azoka berriak automatizazio eta robotika arloko zeharkako soluzioak ekarriko ditu. Aldiz, WORKinn Talent Hub izango da industria arloko talentuarentzako topagunea. Espazio oso dinamikoa izango da, teknologian eta berrikuntzan oinarritua, eta enpresa erakusketariek eta bisitariek konektatzeko, esperientziak eta ezagutzak partekatzeko eta negozioa sustatzeko arloak aurkituko dituzte.