Arratsaldean bere 33. edizioa ixterakoan, 65 herrialdetako 39.000 profesional baino gehiago igaro izango dira Makina-Erremintaren Nazioarteko Biurtekotik. Edizio honek industria bultzatu du indar teknologikoaren eta nazioarteko lidergoaren erakustaldi baten bidez. Hala azaldu dute balantzeko prentsaurrekoan Xabier Basañezek, BECeko zuzendari nagusiak; Mª Carmen Gorostizak, BIEMHren event managerrak; Xabier Ortuetak, AFM Clusterreko zuzendari nagusiak; José Pérez Berdudek, AFM Clusterreko presidenteak; eta José Ignacio Ortiz de Urbinak, AIMHEko presidenteak.

“BIEMH 2026 nazioarteko fabrikazio aurreratuaren urteko lehen erakusleiho handia bihurtu da, sektoreko berrikuntza markatuko duten gakoak aurreratuz. Gainera, industria ikuspegi honen arabera une honetan oso egokiak diren datetan egin da”, adierazi du Xabier Basañezek, BECeko zuzendari nagusiak. Azkenean, 34 herrialdetako 1.543 enpresa erakusketarik hartu dute parte aste honetan, “BEC-eko sei pabiloiak Europako epizentro bihurtuz eta 33. edizioa arrakasta absolutu eta garbia bilakatuz”, zuzendari nagusiaren hitzetan.

Gorostizak ere baieztatu du, azpimarratuz “BIEMHk industria berritzaile eta erresiliente bat nabarmendu duela, testuinguru global konplexu batean. Nazioarteko egutegia ekitaldi sendo batekin ireki dugu. Enpresek oso positibotzat jo dute BIEMH 2026an parte hartzea: 3.350 produktu baino gehiago aurkeztu dituzte fabrikazioaren arlo guztietan, mundu osoko bisitariekin elkarreragin dute, eta kontaktu estrategikoak eta negozio-aukerak sortu dituzte.”

Ildo berean mintzatu da Berdud: “BIEMH-ek berriro ere agerian utzi du sektore erabakigarri baten indarra industriaren lehiakortasunerako: dinamikoa, berritzailea eta teknologikoki aurreratua. 65 urte igaro ondoren, Makina-Erremintaren Biurtekoan gure enpresen talentuaren eta gaitasunaren erakusleiho nagusia izaten jarraitzen du, eta gure gizartearen aurrerapenean industriaren rola sendotzeko elementu giltzarria da.”

Era berean, Ortiz de Urbinak nabarmendu du “martxoko data-aldaketak erabaki zuzena izan dela. Urtearen hasieran kokatuta, bezero askok urte berrirako proiektuak ekarri dituzte, eta espero dugu hurrengo hilabeteetan horiek eragiketa komertzial bilakatzea. Beste behin ere, BIEMH fabrikatzaileen eta inportatzaileen arteko topagune sendo gisa finkatzen da, fabrikazio aurreratuaren balio-katearen elkarlan estua eta osagarritasuna islatuaz.”

Bisitarien jatorriari dagokionez, nabarmena izan da Euskaditik kanpoko profesionalen %50aren presentzia. Estatuko autonomia-erkidego guztietatik iritsi dira bisitariak, bereziki Kataluniatik, Nafarroatik, Gaztela eta León-etik, Madrildik, Kantabriatik, Valentziatik eta Galiziatik. Nazioarte mailan, Portugal, Alemania, Frantzia, Italia, India, Mexiko, Txina eta Turkia izan dira ordezkatuen artean, baita AEB, Kolonbia, Japonia, Erresuma Batua, Herbehereak, Suitza, Austria eta Argentina ere.

Interes-gune nagusiak honela banatu dira: %27 abio- eta deformatze-makinak; %25 tresnak, osagaiak eta osagarriak; %24 automatizazioa, robotika eta digitalizazioa; %13 ekoizpen- eta enpresa-zerbitzuak; eta %6 metrologia.

Parte-hartzaileen profil profesionalak hauek izan dira: zuzendariak edo gerenteak, jabeak, departamenduburuak eta teknikariak, sektore hauetan: automozioa (%26); ekipamendu-ondasunak (%17); aeronautika eta aeroespaziala (%16); siderurgia (%13); energia (%9); trenbidea (%8); oil & gas (%5); eta naval (%2).

Aste honetan erakutsi da erakundeen konpromisoa industriaren alde. BIEMH ospatzen den bitartean —Lehendakari Imanol Pradalesek inauguratu zuen—, Bilbao Exhibition Centre-k erakunde askoren ordezkaritza zabal bat jaso du: Eusko Jaurlaritza, Foru Aldundiak, Industria, Merkataritza eta Turismoko Ministerioa, ICEX eta Barakaldo, Bilbo, Soraluze, Deba eta Elgoibarreko udalak, besteak beste. Hedabideen presentzia ere oso esanguratsua izan da: 140 kazetarik 120 elkarrizketa inguru egin dituzte.

Hosted Buyers’ Programme-ren edizio arrakastatsua

BIEMH-eko Hosted Buyers’ Programme-ko enpresen balorazioa oso positiboa izan da, azpimarratuz ekitaldiaren potentziala negozio- eta lankidetza-plataforma gisa. Astean zehar, 26 herrialdetako 300 erosle inguru ibili dira Bilbao Exhibition Centre-ko sei pabiloiak zeharkatzen, helburu hauekin: soluzio teknologiko lehiakorrak identifikatzea, merkatuko azken berrikuntzak ezagutzea, eta etorkizuneko joerak aurreikustea. Enpresek pozik hartu dute BIEMH 2026k behar, berrikuntza eta negozio-aukerak konektatzeko duen gaitasuna.

Aurten nazioarteko dimentsioak protagonismo berezia hartu du. Kanpo-kanpaina sektore eta helmuga berrietara zabaldu da, eta India —edizio honetako herrialde nabarmena, 20 enpresarekin—, Estatu Batuak, Mexiko, Alemania, Turkia, Portugal, Maroko, Erresuma Batua, Kanada, Suitza, Frantzia, Italia, Txina, Brasil eta Herbehereetatik etorritako ordezkaritzak erakarri ditu.

Estatu mailan ere, erosle-enpresen presentzia oso esanguratsua izan da. Gainera, 73 elkarte nazionalen babesa eduki du ekitaldiak, eta ISTMA bezalako nazioarteko erakundeen parte-hartze berezia.

Networking-a eta ezagutza, agendaren ardatzean

Agendak funtsezko pisua dauka BIEMHn, eta bereziki nabarmendu dira Innovation Workshops saioak, non robotika, automatizazio eta digitalizazioko enpresek euren azken garapenak aurkeztu eta aplikazio industrial errealak azaldu dituzten.

Programak BIEMH Innovation Awards-en 16. edizioaren banaketa ere barne hartu du, AFM Cluster eta BEC-ek antolatuta. Makina-erremintan, osagaietan eta tresnetan berrikuntzarako saria ex aequo eman zaie IBARMIAri eta ZAYERi. Fabrikazio aditiboan eta 3D inprimaketan, SICNOVA saritua izan da. Digitalizazioan, LANTEK izan da irabazlea, eta automatizazioan SORALUCE. Importatzaile batek aurkeztutako proposamenik berritzaileenari INTERMAHER-i eman zaio saria.

Networking profesionala are gehiago indartu du WIN – Women in Industry ekimenak, PWNek antolatuta, hitzaldiak, eztabaida-mahaiak eta emakumeen papera industrian ikusarazteko eta sektorearen dibertsitate eta berdintasun-mailak areagotzeko espazioak eskainiz.

Jarduera sozialagoetan, agendak Welcome Reception-a, Barakaldoko Udalak erosle-bisitariei egindako harrera eta Azkuna Zentroa – Alhóndiga Bilbaon ospatutako BIEMH Fest edizio berria bildu ditu. Azkenik, CARPE BIEMH AREA (4. pabiloian) topagune informal gisa aritu da bost egunetan zehar.

Lan-aukerak industriako talentuarentzat WORKinn Talent HUBen

Industria-sektoreko enplegua eta garapen profesionala berriro izan dira protagonista BIEMHn, WORKinn Talent Hub-aren bidez. Espazio honetan, hogeita hamar enpresa eta erakunde baino gehiagok 370 lan-aukeratik gora aurkeztu dituzte, eta sektoreko beharren eta profil eskatatuenen inguruko informazio zuzena partekatu dute. BECera 92 ikastetxetako 4.128 ikasle eta 504 irakasle hurbildu dira.

WORKinn Talent Hub-ek garrantzi berezia hartu du belaunaldi-erreleboari lotutako erronka handiak dituen une honetan. Euskadin, 2036ra arte 625.000 lanpostu inguru bete beharko direla aurreikusten da, horietako asko erretiro-engatik; beraz, ekimen honek gazteei eta profesional berriei sektorearen aukerak gerturatzea du helburu.

Astean zehar, foroan ikasleak, lanerako prest dauden profesionalak eta aukera berrien bila dabiltzanak bildu dira, Enplegu Foroa, Inspire Gunea —profesio ezberdinak ezagutzeko esperientzia praktikoak— eta Food & Art Gunea bisitatuz.

BIEMHren hurrengo edizioa 2028ko martxoaren 6tik 10era izango da.

BIEMH AFM, Machine Tool Manufacturers; AIMHE, Machine Tools Importers; eta Bilbao Exhibition Centre erakundeek antolatzen dute, eta Bizkaiko Foru Aldundiaren eta SPRI – Eusko Jaurlaritzaren babes instituzionala du.