Bilbao Exhibition Centre-ren eta UPV/EHU-ren arteko lankidetza hitzarmena

Xabier Basañez Bilbao Exhibition Centreren Zuzendari Nagusiak eta Patxi Juaristi Larrinaga Euskal Herriko Unibertsitateko Bizkaiko Campuseko Errektoreordeak lankidetza-hitzarmena sinatu dute gaur, martxoaren 7an, asteazkenean, hainbat jarduera-mota egiteko adierazpen artistikoaren eta diseinu grafikoaren alorretan edota Arte Ederren Fakultateak eskaintzen dituen ikasketen baitako bestelakoetan.

Hala, dagoeneko antolatu dute baterako lehen jarduera: EHUko Arte Ederren Fakultateko ikasleen arteko lehiaketa Egurtek sarien 4. edizioko irabazleentzako garaikurra hautatzeko, zeina 2018ko urriaren 19an, ostiralean, banatuko zaien BECen, EGURTEK-Egurrezko Arkitektura eta Eraikuntzaren Nazioarteko 7. Foroaren  baitan.

Egurtek-ek, Bilbao Exhibition Centrek Euskal Herriko Arkitektoen Elkargo Ofizialaren laguntzarekin antolatuak, baita Baskegur-Euskadiko Egurraren Elkartearen parte-hartzearekin ere, taillaketak egiteko egurra eta jarduera akademikoa eskaintzen baititu, eta Eusko Jaurlaritzako Ekonomiaren Garapen eta Azpiegitura Sailak babestuta, egurrezko arkitektura- eta diseinu-lan onenak sarituko ditu, kategoria hauetan bereizita: “Eraikuntza”, “Interiorismoa”, “Produktu-diseinua” eta “Bertoko Egurra (Basque Quality)”, eta “Argitalpenak”.

Lankidetza-hitzarmena datorren ikasturtera arte egongo da indarrean, eta lau urtera luzatzeko aukera izango da.

-ek idatzirik|2018-03-08T10:44:43+01:008 de martxoa de 2018|0 Iruzkin

Iruzkin bat utzi

Go to Top