Berrikuntza eta soluzio teknologiko berriak ekainean bildu dira +INDUSTRYn, Smart Manufacturing-ari eskainitako herrialdeko plataformarik handienean, 840 enpresa erakusketari baino gehiago bildu dituena.

58 herrialde baino gehiagotako 11.856 bisitari izan dira negozioen foro handi honetan, eta dagokien sektorean liderrak diren hainbat azoka barne hartu ditu: ADDIT3D, BeDIGITAL, MAINTENANCE, PUMPS&VALVES eta SUBCONTRATACIÓN. Gainera, horniduren eta burdindegi industrialaren sektoreak eta WORKinn Talent Hubek ere beren tokia izango dute bertan.

Ingurune industrialak oso bizkor egiten du aurrera eta, ondorioz, azterketarako guneak gero eta garrantzitsuagoak dira. Hori dela eta, +INDUSTRYk sektoreko punta-puntako joerei eta garapenei buruzko ikuspegi baliotsua eskaintzeko edukien programa izan du. Elkar lotutako espazio horien artean, INNOVATION WORKSHOPAk dira nabarmentzekoak, ezagutzaren trukerako eta networkingerako eremuak, baita +INDUSTRY TALKAK ere. Hitzaldi horietan, fabrikazio aditiboari eta 3D inprimaketari, eraldaketa digitalari eta industriaren mantentze-lanei buruzko 23 azterketa-ordu baino gehiago izan dira.

Horrez gain, protagonismo berezia izan du Industriako Azpikontratazioaren Europako XX. Topaketak. Hitzartutako B2B bilera horietan, 1.000 elkarrizketa inguru izan dira eta ehun bat erosle handik hartu dute parte.

Zuekin partekatu nahi dugu 2023ko +INDUSTRYren unerik garrantzitsuenen bideo-laburpena.