IMIC-Industrial Maintenance Innovation Conference-ren hirugarren edizioaren talde antolatzaileak kongresua 2021era atzeratzea erabaki du, eta Maintenance azokaren laugarren edizioarekin egingo du bat bai denboran bai tokian. Deialdia 2021eko ekainaren 1 eta 3 bitartean izango da, +Industry azokaren esparruan. Beraz, gune berean hainbat azoka batzeari esker –Industry Tools by Ferroforma, Subcontratación, ADDIT3D, BeDigital, Maintenance, Pumps&Valves eta Fitmaq– ibilbide oso bat eskaini ahalko dugu industriarik aurreratuenean barrena Bilbao Exhibition Centre-n.

Mantentze industrialaren profesionalek Maintenance azokaren erakusketa-eremuan eta IMICen  mantentze-lan prediktiboen inguruko hitzaldietan biltzeko, informazioa trukatzeko eta interesgarriak diren soluzio, teknologia eta materialei sarbidea emateko gunea aurkituko dute, haien ekoizpen prozesua optimizatzeko.