Blockchain, adimen artifiziala, errealitate areagotua… Teknologia horiek guztiek goitik behera aldatuko dute bidaiatzeko modua, eta apirilaren 18an eta 19an BECen izango den «World Metrorail & Light Rail Congress» biltzarrean aurkeztu eta aztertuko dira. Erakusketa-eremuan, «Rail Live! Event», laurogei enpresa liderrek baino gehiagok parte hartuko dute, hala nola CAF, Siemens, ArcelorMittal, Ingeteam eta ABB, eta, bertan, lehentasunezko arloetan (esaterako, irisgarritasuna, segurtasuna, mantentze-lan prediktiboak, puntualtasuna eta fluxuen kudeaketa) tren-industria eraldatzen ari diren azken aurrerapenak aurkeztuko dituzte. Aldi berean, 50 hitzaldi baino gehiago eskainiko dira teknologia berri eta berrikuntza horiei buruz; horrela, zuzenean hornitzaileekin eztabaidatu ahal izango dira irtenbide horiek.
Metrorail biltzarraren azken edizioak Londresen izan dira, baina, aurtengoa Bilbon ospatuko da; hau da, tren-industriaren Espainiako fabrikazio-gune nagusietako batean. Gainera, duela gutxi, Espainiako eta autonomia-erkidegoko gobernuek trenbide-azpiegituran inbertsio garrantzitsua egingo dutela iragarri dute. Terrapinn Holdings Ltd da biltzarraren antolatzailea; eta hauek, berriz, laguntzaileak: MAFEX-Trenbideen Espainiako Elkartea, Eusko Jaurlaritza, SPRI, Euskal Euskal Trenbide Sarea, Euskotren eta Metro Bilbao.
Iruzkin bat utzi