“Puntu bat, opari bat” kanpainak ataria elkartasunez betetzen du

PUNTU BAT, OPARI BAT erronkak egun berezia bizi izan du gaur azken hilabetean zehar jasotako opariak Bilbao Exhibition Centreko atariko gizarte-distantziako puntuetan jarri baitira. BECeko ohiko bulego eta kolaboratzaileen dorreko langileen, senideen, lagunen, bizilagunen eta herritar anonimoen arteko elkartasuna 276 oparitan bihurtu da. Opari horiek Gabonetako zati txiki bat hurbilduko diete Bizkaiko ehunka umeri. Momentua hilezkortu ondoren, Bizkaiko Gurutze Gorriko boluntarioek jaso egin dituzte, ondoren, erakundeak zerbitzatutako familien seme-alaben artean banatzeko.

“Umeen Gabonetako Parkea faltan botatzen dugu, baina gure helburu solidarioa lortu dugu eta horrek poz handia ematen digu. Esperientzia hain izan da pozgarria, beste proiektu solidario batzuk bultzatzen jarraituko dugula, itxi ezin dugun bide bat ireki besterik ez dugu egin”, esan du Xabier Basañezek, Bilbao Exhibition Centreko zuzendari nagusiak.

Oraingoz, BEC Bizkaiko Gurutze Gorriaren Euren eskubideak jokoan kanpainan opariak jasotzeko gunea izaten jarraituko du, urtarrilaren 4ra arte. Helburua da jokoak eta jostailuak familia- eta gizarte-ingurunean erabiltzea sustatzea da, hezkuntza tresna gisa eta tolerantzia, aniztasuna, errespetua eta berdintasuna bezalako balioak transmititzeko.

“Jolasa eskubidea da, eta jostailua biltzeko kanpaina honek baliabide ekonomiko gutxi dituzten familietatik datozen haur ahulenen beharrak asetzen laguntzen du. Eskerrik asko BEC-i ekimen honekin bat egiteagatik, haur guztiek jostailu berri, ez beliko eta ez sexista bat izan dezaten gabon hauetan “, azpimarratu du Victor Gutierrezek, Bizkaiko Gurutze Gorriko presidenteak.

-ek idatzirik|2020-12-22T14:53:34+01:0022 de abendua de 2020|Albisteak|0 Iruzkin

Iruzkin bat utzi