Bilbao Exhibition Centrek eta Grupo Metalia Taldeak lankidetza-hitzarmena sinatu dute BECeko industria-azoketan industry TALKSak sartzeko. BIEMH-Makina-erremintaren Nazioarteko Bienala eta +INDUSTRY. Lankidetza, hasiera batean behintzat, lau urtekoa izango da gutxienez.

Lehenengo esperientzia BIEMH azokan izango da, industriako hitzordurik garrantzitsuenetako batean. Bertan, 1.200 enpresa erakusketari bilduko dira. Industry TALKSak BIEMH TV zuzeneko saioak egiten dituen telebista katera batuko dira eta programaren parte izango dira. Aurtengo programak industria aurreratuaren lehiakortasuna jorratuko du, sektoreak elkarren artean lotuta dauden eta eztabaidatzeko erronka handiak dituzten garaiotan.

Zentzu horretan, “industry TALKS programa digitala aliatu ezin hobea izango da BIEMH azokan, industria izugarrizko abiadan aurrera egiten ari den garaiotan sektorearen zeharkako gaiak eztabaidatzeko. Eduki agenda garrantzitsua dugu BIEMH azokan, eta, zalantzarik gabe, industry TALKSek balio erantsi garrantzitsua emango diote horri”, Xabier Basañez Bilbao Exhibition Centre-ko zuzendari nagusiaren hitzetan. Gai hauek jorratuko dituzte: energia eta industria aeronautikoa (goizean) eta automobilgintzaren talentua eta etorkizuna (arratsaldean). Gainera, orain arte BIEMHen oso ohikoak izan ez diren profil berrien testigantzak eskainiko dituzte, hala nola enpresa handien CEOenak, Finantza Zuzendarienak edo Estrategia Zuzendarienak besteak beste.

“Akordio hau garrantzitsua da industriarako. Lehenik eta behin, BEC delako gure herrialdeko industria-sarea ondoen ordezkatzen duen erakundea, antolatzen dituen nazioarteko eragineko azokengatik, eta, bestalde, industry TALKS delako industria-sektore guztiak ordezkatzen dituen egunkari digital bakarra, gure industriako profesionalen eta enpresen informazio-lider eta dibulgazio-eduki gisa kokatuta. Zalantzarik gabe, aliantza horrek industry TALKSen helburu nagusietako bat zabaltzea ahalbidetuko du: Espainiako industriari ikusgarritasun handiagoa ematea eta gizarteari balioa ematea”, Pedro J. Carrillo Grupo Metaliako CEOak adierazi duenez.

Finean, industry TALKSak sektoreko profesionalentzako topaguneak izango dira, eta, bertan, esperientziak eta ibilbide-profesionalak partekatu ahal izango dituzte. Era berean, digitalizazioaren, teknologiaren eta jasangarritasunaren alde egiten duten enpresa handien ideiekin lankidetzan ere arituko dira.

Grupo Metalia taldea harreman-marketinerako eta komunikaziorako enpresa da eta 14 urteko ibilbidea du estrategien aholkularitzan. iTALKS plataforma digitala networkinga eta kultur-industria sortzeko sortu dute, arlo horretako berrikuntzaren eragile nagusien ezagutza eta esperientzia hedatzeko.