BECek prest du guztia 2023ko Frantziako Tourraren logistikaren eta prentsaren zentroa izateko irteeran zehar. Ekainaren 25etik, igandetik, uztailaren 1era, larunbatera, Tourren antolakuntzak Konbentzioen Zentroan finkatu ditu bulegoak.

Zehazki, 24 aretoak okupatuko ditu. Batzuk ekitaldi horretarako eraiki dira zehazki. Bitxikeri gisa, gehienek txirrindularien izenak izango dituzte, besteak beste, Miguel Indurain, Eddy Merks, Raymond Poulidor edo Bernard Hinault. Luxua Aretoa prentsaren zentroa izango da, eta taldeek bertan antolatuko dituzte prentsaurrekoak eta elkarrizketak.

Tourreko lehenengo etapa Bilbon hasiko da uztailaren 1ean. Hasieran dagoeneko ohikoa bihurtu den “Le Caravane publicitarie” igaroko da eta 2 Pabilioia erabiliko du karabanako kotxeetan biniloak jartzeko eta apaintzeko. Larunbateko lehen orduan aterako dira BECetik Bilbora.

Logistikaren eta prentsaren zentroa bihar, asteazkena, hilak 28, 14:00etan inauguratuko da ofizialki, eta Christian Prudhome eta erakunde arloko pertsona garrantzitsuak bertan izango dira.