Asko itxaron dugun BIEMH izan da eta zifra oso adierazgarriekin itzuli da: 52 herrialde ingurutatik etorritako 35.145 bisitariak izan dira, 28 herrialdetako 1.400 enpresa erakusketari baino gehiago, 3.400 makina, produktu, zerbitzu eta berrikuntza baino gehiago, eta gonbidatutako 300 erosle handi baino gehiago. BIEMH-Makina-Erremintaren Nazioarteko Bienalaren 31. edizioa izan da eta sektoreari pultsua hartzeko une egokian egin da. Xabier Basañez Bilbao Exhibition Centreko zuzendari nagusiak adierazi du azoka “gogobetegarria eta arrakastatsua” izan dela José Pérez Berdud AFMko Klusterreko presidentea, Xabier Ortueta AFM Klusterreko zuzendari nagusia, José Ignacio Ortiz de Urbina AIMHEko presidentea eta Thais Basañez Allende BIEMHeko event managerrarekin batera egindako prentsaurrekoan.

Xabier Basañezek “berriro elkartzeko” edizio honek utzi duen “jarduera handiko” astearen errepasoa egin du. BECeko zuzendari nagusiak aipatu duen moduan, “lau urte luze eta lan handiaren ondoren, aste honetan herrialde honek industrian duen indarra erakutsi dugu”. Gainera, azaldu du “bisitarien jatorria aztertuz gero, profesionalen % 45 Euskal Autonomia Erkidegoaren kanpokoak” direla. Atzerritarrak % 5 izan dira. Zehazki, Autonomia Erkidego guztietako profesionalak izan dira BIEMHen, baina batez ere Katalunia, Nafarroa, Gaztela eta Leon, Madril, Kantabria eta Valentziakoak. Nazioartean, Portugal, Alemania, Italia, Frantzia eta Argentinako profesionalek hartu dute parte, bai eta Herbehereetakoek, Belgikakoek, Mexikokoek, Erresuma Batukoek, Indiakoek, AEBetakoek, Kolonbiakoek, Finlandiakoek, Suitzakoek eta Turkiakoek ere, besteak beste”.

Interes gehien piztu duten sektoreak prozesuen eta fabrikazioaren automatizazioa, makina-erremintentzako osagarriak, makina-erremintentzako osagaiak, fabrikazio aditiboa eta 3D inprimaketa, abiarazten diren makina-erremintak, piezen eta tresnen manipulazioa eta digitalizazioa dira. Bertaratutako profesionalen profila zuzendari edo gerentea, jabea, sailetako arduraduna eta teknikaria izan da gehienbat.

José Pérez Berdud AFM Klusterreko presidenteak aurtengo edizioa “oso ona” izan dela esan du eta nabarmendu du maila teknologikoa eta erakusketariena oso altua izan dela. “Lau urteren ondoren, bi oso gogorrak izan dira eta ezjakintasun handikoak, erakutsi dugu sektore indartsua, modernoa eta orainaldi eta etorkizun handikoa garela”. Diseinua, produktibitatea, askotariko funtzioak, automatizazioa eta robotika dituzten ekipoak eta sistemak, pieza-prozesuaren askotariko irtenbideak eta digitalizazioa ikusi ditugu”, gehitu du José Pérez Berdudek. Halaber, Xabier Ortueta AFM Klusterreko zuzendari orokorrak honako hau adierazi du: “Bilbo industriaren hiriburua izan da eta bisitariek erantzun egin dute. Ondo egindako lanaren eta arrakastaren sentsazioa geratu zaigu”.

Bestalde, José Ignacio Ortiz de Urbina AINHEko presidenteak nabarmendu du “enpresen kalitatearen aurreikuspenak bete eta gainditu ere” egin direla. “Gainera, proiektu zehatzak ikusi dira eta erakusketariek kontsulta interesgarriak eta kalitatezko bisitak izan dituzte” erantsi du.

Ekitaldia ADDIT3D-Fabrikazio Aditiboari eta 3Dri buruzko Nazioarteko Azokarekin, BeDIGITAL-Industriari aplikatutako Eraldaketa Digitalaren Azokarekin, IMIC-Industrial Maintenance Innovation Conference konferentziarekin eta WORKinn Talent Hubekin batera egin da. Hala, BECeko pabilioi guztiek fabrikazio aurreratuaren ibilbide osoa osatu dute.

BIEMH AFM-Advanced Manufacturing Technologiesek eta Bilbao Exhibition Centrek antolatzen dute eta Eusko Jaurlaritzaren eta AIMHE-Makina-Erremintaren Inportatzaileen Elkartearen laguntza du. Ekitaldia Iñigo Urkullu lehendakariak inauguratu zuen. Gainera, bost egunetan zehar BIEMHek hainbat erakunderen bisita jaso du, hala nola Eusko Jaurlaritzarena, Bizkaiko Foru Aldundiarena, Gipuzkoako Foru Aldundiarena, ICEXena, Bilboko Udalarena, Industria Ministerioarena, Adegirena eta Confebaskena, bai eta Euskadiko lurraldeetako hainbat agintari politiko eta alderdietako ordezkariena ere. Gainera, BIEMH aukeratu dute Innobasque, AFMEC, Stech eta Heganek euren batzarrak egiteko.

300 erosle gonbidatuta

300 erosle handi izan dira guztira BIEMHen aste honetan, haien enpresen efizientzia eta lehiakortasuna hobetzeko fabrikazio aurreratuaren azken irtenbideen bila. Astelehen goizean iritsi ziren BECera Argentina, Kanada, Kolonbia, Ekuador, Egipto, Estatu Batuak, Finlandia, Guatemala, India, Mexiko, Nigeria eta Turkiako ordezkariak, eta asteazkenean Kanada, Txekiar Errepublika, Eslovakia, Portugal eta Espainiakoak. Hosted Buyers’ Programme osatzen duten profesionalek haien beharretara egokitutako azoka aurkitu dute, merkatuan eskatzen dituzten tresnekin eta makinekin, eta lankidetza interesgarriak egin, garatu eta negozioak egin ahal izan dituzte.

2022ko BIEMHeko edukien azterketa bertikala eta zeharkakoa

Milaka profesionalek erantzun diote BIEMHeko edukien agendari eta aldi berean instalazioetako hainbat puntutan egin diren ekitaldiei: Automation & Robotic Talks, Additive Talks, Digital Talks, Innovation Workshops, BIEMH TV, Women in Industry, industry TALKS eta WORKinn-Talent Hubeko Learn aretoa.

Programazioak fabrikazio aurreratuaren gakoak jorratu ditu ikuspegi bertikaletik eta eduki espezifikoak eta zeharkakoa eskaini ditu jasangarritasuna, digitalizazioa, talentua eta genero-ikuspegia jorratzeko. Guztira, edizio honetarako aurreikusitako agenda osoak estatuko eta nazioarteko 230 hizlariren konferentziak izan ditu, eta 68 ordura heldu dira 5 egunetan. Gainera, 32 profesional elkarrizketatu dituzte BIEMH TVn.

Edizio berri honetan izan diren azterketa eta gogoetarako eremuek garrantzi berezia hartu dute fabrikazio aurreratuaren konplexutasuna jorratzeko. Testuinguru horretan, sektoreen arteko loturak erronka handiak planteatzen ditu eta horien inguruan eztabaidatu beharra dago.

Halaber, asteazkenean erakusketariak, bisitariak eta komunikabideak BIEMH Festen elkartu ziren, The Golden Covers musika taldeak girotu zuen topaketa sozialean.

Zayer, Nicolás Correa, Soraluce, Navantia, Smart PM eta CITD izan dira 2022ko Fabrikazio Aurreratu eta Digitaleko Berrikuntzako Sarien irabazleak.

Berrikuntzak une aipagarria izan du AFM klusterrak BECen eta Beazen laguntzarekin antolatzen dituen Fabrikazio Aurreratu eta Digitalerako Berrikuntzaren Sari Nazionalak emateko zeremonian. Aurten Zayer, Nicolás Correa, Soraluce, Navantia eta Smart PM enpresek jaso dituzte sariak. Aurtengo berrikuntza startup berritzaileenarentzako saria izan da, eta CITDek jaso du.

Talentuaren sinergia WORKinn Talent Huben

Talentua identifikatzea eta enpresei profilik kualitatiboenak eskaintzea izan da WORKinn-Talent Huben helburu nagusietako bat, eta aurten kontzeptu berri bateranzko bilakaera izan du, bere proposamena eta erakargarritasuna hobetzeko. Oraingoan, 200 eskaintza baino gehiago izan dituen enplegu-azokan atal berriak izan dira: Learn eremua, Networking saila, Industry&Art, Knowing the past, Inspire edo Success Story. Foro honetan, enplegua, prestakuntza, etorkizuneko gaitasunak, garapen profesionala edo emakumea industria arloan sartzea izan dira jorratu diren edukien ildo nagusiak.

BIEMHen datorren edizioa 2024ko ekainaren 3tik 7ra izango da.