Bilbao Exhibition Centren apirilaren 4an eta 5ean egin zen North Card Showren lehen edizioa, Trading Card Games —TCG – unibertsoari eta bildumagintzari eskainitako ekitaldi berria, estatuko iparraldeko zale eta profesionalen komunitatearentzat erreferentziazko hitzordu bihurtzeko asmoz.

BECeko 3. solairuko Luxua aretoan egindako topaketak ehunka pertsona bildu zituen, nazioartean ezagunak diren sagetako kartak eta artikulu bildumagarriak ardatz hartuta, besteak beste Pokémon, Magic: The Gathering, Yu-Gi-Oh!, Dragon Ball edo Lorcana. Ekitaldian 80 saltzaile baino gehiago eta 100 erakusmahai baino gehiago izan ziren, 1.200 m²-tik gorako gune batean, kartak eta produktu bildumagarriak erosi, saldu eta trukatzeko espazio zabala eskainiz.

Programazioak hitzaldiak, streaming saioak, breaks guneak eta jarduera bereziak ere izan zituen, esperientzia izaera indartuz; zaleen arteko harremanak sustatu, bilduma berriak ezagutu eta belaunaldi desberdinak konektatzeko diseinatutako hitzordua izan zen.

North Card Showk BECen egutegiaren aniztasun tematikoa handitzen du, aisialdiaren sektorean gero eta pisu handiagoa hartzen ari den formatu bat gehituz. Merkataritza dimentsioa, komunitate aktiboa eta fidelizazio gaitasun handia uztartzen dituen sektorea da.

Lehen edizio honen harrera onaren ostean, antolakuntzak ekitaldiaren jarraipena lantzen ari da, 2027rako data berriak BECen aurreikusita.